Os nosos montes comunais. Xornada técnico-informativa

VIAXE Á PENÍNSULA DE BEZOUCOS (ARES&MUGARDOS) -2 Agosto 2014

PROGRAMA HORARIO

Saída de Castro Verde ás 8:00 horas ( Ao lado do Pereira)
Ás 8:30 h. na ronda da muralla (Edificio Sindicatos)
Ás 10:00 h. en Mugardos
Percorrido de 9 quilómetros con certa dificultade, inprescindible levar calzado axeitado.

DESCRIPCIÓN:

A viaxe percorre unha área de Ferrolterra con importantes valores ecolóxicos e culturais: a área noroccidental da península de Bezoucos, enclavada no Gran Porto dos Ártabros (1), nome co que se coñecía ao territorio ribeireño das rías do Ferrol, Ares e Coruña, o cal serviu de inspiración á denominación do Lugar de Interese Comunitario (L.I.C.) “Costa Ártabra” –pertencente á Rede Natura 2000-, a cal inclúe a franxa litoral de parte desta península.

O percorrido desenvólvese nunha lonxitude duns 9 quilómetros pola parte noroccidental da Península de Bezoucos, brazo de terra que separa as Rías de Ferrol e Ares-Betanzos.

A ruta escomenzará en Mugardos, vila mariñeira asentada nunha bahía na marxe sur da ría de Ferrol. Seguindo o paseo marítimo e a praia artificial da Bestarruza, chegaremos á Enseada do Baño, onde desemboca o Rego de Roibeiras formando un esteiro que da nome ao pequeno asentamento tradicional que alí se orixinou. A fermosura desta paraxe provocou que se desenvolvese unha urbanización que alterou a outrora beleza inmaculada deste lugar.

Dende eiquí desviarémonos ao oeste, ascendendo en dirección a Montefaro, entrando na parroquia de Cervás do concello de Ares, de cuxo antigo poboamento son testemuñas varios castros e os restos da súa igrexa románica. Nesta ascensión pasaremos ao carón dunha edificación militar abandoada que semella que foi un polvorín ou arsenal, chegando despois ao Mosteiro medieval de Santa Catalina (2).

Próximo a este lugar, atópase o cumio da Bailadora, miradoiro excepcional situado a uns 260 m. sobre a ría de Ferrol, dende onde poderemos contemplar as agrestes ladeiras graníticas que conforman a bocana desta ría, o sistema de fortificacións militares que ao longo do tempo foron construídas para defender a base militar (3), como os castelos da Nosa Señora da Palma e de San Felipe, construídos nos séculos XVI e XVII, evocadores do enfrontamento militar que tivo lugar nas súas proximidades fai pouco mais de 200 anos ... a Batalla de Brión (4).

Pero A Bailadora é tamén un lugar axeitado para aprezar e analizar o resultado doutras intervencións humanas mais recentes, as cales están a mudar a faz da ría: a implantación de grandes industrias (xunto ás navais asentadas antes da década dos setenta, foise consolidando nas últimas décadas do pasado século a metalúrxica de MEGASA –no fondo da ría esganando o antes fermosísimo esteiro do río Freixeiro-), a planta de REGANOSA instalada nas proximidades de varios núcleos poboados do concello de Mugardos, o porto exterior e os enormes recheos e desmontes realizados por mor destas actuacións,....

Trala estancia no miradoiro da Bailadora visitariamos o Mosteiro de Santa Catalina, tralo cal poderiamos comer no propio mosteiro ou nos xardíns existentes ao seu carón.

Tralo almorzo encamiñariamonos cara á Punta do Segaño (remata a ría ferrolá pola súa banda sur), visitando os restos das baterias de Fonteseca e do Segaño, construidas hai pouco máis de 100 anos para protexer a base militar de Ferrol.

Dende o Segaño continuariamos cara ao surés, encamiñándonos á praia de Chanteiro, onde poderemos reposar e incluso bañarnos nas súas claras augas se o tempo o permite. Inmediata a esta praia encóntrase a Capela da Nosa Sra. da Mercede, á que poderemos achegarnos, construcción con carga sentimental para os ferroláns, que no ano 1404 lle ofreceron voto a esta Virxe, en agradecemento pola súa intercesión para frear a peste que daquelas asolou a vila e arredores.

Se o percorridose fai curto, poderiamos aproximarnos a outros lugares de interese,como a chamada Cova dos Mouros e o inmediato castro de Santa Mariña.

Ao final da xornada tornaríamos a Mugardos, onde poderiamos cear ou tomar algo antes de voltar.
--------------
NOTA:
A viaxe farase igual, haxa ou non as 15 persoas. Se somos 15 ou máis haberá autobús, en caso contrario iremos en coches particulares.
Saúdos
Manolo

II CARREIRA POPULAR

  II CARREIRA POPULAR (20-07-2014)

Varios membros da asociación colaboramos, no día de hoxe, coa II Carreira Popular celebrada en Castro Verde; na que por certo, participaron varios soicos/as, entre eles Saúl Gómez Arrojo, que quedou primeiro na súa categoría, tamén foron  premiadas/os varios membros do Club de Atletismo de Castro Verde,  e  Víctor Poveda, entre outros.

Alguhas fotos:
                                       
                                                      Saúl Gómez Arrojo en acción

   

                                     Algúns dos primeiros clasificados recuperándose do esforzo

                                                     Algunhas das máis cativas recibindo o premio

                               Recibindo o premio (Do club de atletismo de Castro Verde e Friol)

Recibindo o premio

Unhas das máis cativas en acción

VER ÁLBUM:
https://picasaweb.google.com/amigosdopatrimoniodecastroverd/IICarreiraPopular20072014?authuser=0&feat=directlink

Vídeo na RTVG: Castroverde ten unha das maiores concentracións de árbores centenarias de Galicia

A CRTVG NA  INFORMACIÓN LOCAL PUBLICOU UNHA REPORTAXE EN
VÍDEO SOBRE ÁRBORES CENTENARIAS NA PARROQUIA
DE FURÍS NO CONCELLO DE CASTROVERDE

Manuel Muñiz Pte. AC
Amigos do Patrimonio Castroverde

Manuel Gómez Arrojo
Dono da Casa de Cantíz e Vicepte. AC
Amigos do Patirimonio de Castroverde

Publicado o 12/06/2014 20:34

Información Local Lugo

http://www.crtvg.es/tvg/programas/informativo-local-lugo

Roteiro Fiz Vergara Vilariño

Sociedade Cooperativa Ancares de meu

http://www.ancaresdemeu.com/

Roteiro da Foz das Aceas e as Catro Pontes. 31 de maio de 2014

Talan un carballo de 300 anos no Camiño de Santiago por unha poda dunha compañía eléctrica

Denuncia da nosa Asociación
O famoso carballo de Ponte da Chanca, un dos principais referentes naturais da ruta xacobea, secou tras unha poda "excesiva" por parte dunha subcontrata que facía o mantemento dunha liña eléctrica. A Policía Autonómica investiga o sucedido.

VER MÁIS:
http://www.galiciaconfidencial.com/nova/18546.html

O FORO DO CAMIÑO PRIMITIVO RECORRE NOS TRIBUNAIS A DELIMITACIÓN DESTA VÍA HISTÓRICA A SANTIAGO

NOTA DE PRENSA

Lugo, a 1 de abril de 2014.- 

O Foro do Camiño Primitivo, agrupación constituída por diversas entidades, colectivos e investigadores vinculados con esta vía histórica a Compostela, impugnou o decreto de delimitación oficial do Camiño Primitivo de Santiago (267/2012, de 5 de decembro), mediante recurso contencioso-administrativo ante o Tribunal Superior de Xustiza de Galiza (TSXG).

  O Foro do Camiño solicita o amparo dos Tribunais por entender que a delimitación oficial da vía xacobea máis antiga atenta contra os criterios de autenticidade e integridade na identificación da calzada histórica e a súa contorna cultural, principios elementais atinxidos na lei de Protección dos Camiños de Santiago (1996) e nos itinerarios contemplados pola UNESCO como patrimonio mundial para delimitación dos camiños a Santiago.

O Foro tamén constata un claro abandono por parte da Consellaría de Cultura do mandado legal de recuperación da traza orixinaria dos camiños de peregrinación, adulterando de xeito drástico a definición do seu territorio histórico e deixando sen a debida protección xurídica gran parte dos seus valores culturais e ambientais. A través deste documento, a Consellaría de Cultura verifica a súa renuncia a investigar, recoñecer e recuperar as calzadas presuntamente apropiadas ou invadidas.

A delimitación oficial do Camiño Primitivo aprobada en decembro de 2012 constitúe unha estafa a máis de 1.200 anos de historia retidos na nosa memoria colectiva e traiciona o sentido simbólico, identitario e conceptual do propio Camiño.

CONSECUENCIAS DUNHA DELIMITACIÓN FRAUDULENTA

A Consellaría de Cultura está a situar torpemente o centro das súas políticas públicas en relación coa peregrinaxe tradicional a Santiago unicamente nas perspectivas turísticas e comerciais, relegando a protección patrimonial a un nivel anecdótico. As consecuencias deste desenfoque de obxectivo estanse a ver, non só na maltreita delimitación do Camiño Primitivo, senón na falla de protección de todas as vías históricas con destino a Compostela.

Baste consultar os medios de comunicación para decatarse que a falta de tutela que está a exercer a Xunta sobre valores históricos dos Camiños a Santiago está a crear conflitos na sociedade e confusión na comunidade de peregrinos. Póñanse como exemplos, a indefensión coa que se atopa á veciñanza de Sarria que, nunha loita exemplar, reivindica a preservación dos valores propios do Camiño Francés; ou o deseño dun “Camiño á Carta” no proceso de delimitación histórica do Camiño Norte, supeditando o seu trazado a interese espúreos e especulativos favorecidos polo oportunismo político na procura de votos.

A Xunta está a favorecer descaradamente o esquecemento das rutas históricas e do seu territorio. Premia os neotrazados apócrifos desenvoltos a partir dos anos noventa e mantidos até hoxe por presións políticas e intereses privados, desviando o itinerario por lugares que evitan conflitos co planeamento urbanístico, con infraestruturas ou fincas particulares, mais que nada teñen a ver co rigor científico que se reclama e cos principios da Carta de Itinerarios Culturais de ICOMOS.

No caso da Vía Primitiva, as irregularidades son abondosas en todo o percorrido: falsificación da vía na entrada e saída da cidade de Lugo, ao paso polo burgo medieval de Castro Verde, a omisión do acceso á vila de Melide polo camiño prerromano da Martagona, apropiacións da vía histórica en Paradavella, A Matanza, Vilalle, camiño real de Vilabade, Mesón de Fraiás, Carballido, A Viña, O Alto,  San Vicente do Burgo, A Retorta, etc., ou o non recoñecemento da conexión coa trama de vías transversais e o seu patrimonio histórico, incluído o intanxíbel.  

Ao mesmo tempo, ponse en risco a proclamación do Camiño Primitivo como Patrimonio Mundial da Humanidade. Esta proclamación, tramitada en 2007 e presentada a finais de 2012 polo Consello de Patrimonio Histórico do Reino de España, agardábase para o vindeiro ano. Pero este proceso vese agora atrancado pola propia Xunta ao delimitar un trazado físico-lineal pouco coherente coa  existencia dunha paisaxe cultural conforme coa aplicación da Convención do Patrimonio Mundial.

A XUDICIALIZACIÓN DOS CAMIÑOS HISTÓRICOS

O recurso-contencioso presentado por este Foro contra a actual delimitación oficial desta vía histórica xa é o segundo recurso xudicial que a sociedade civil promove na defensa dos camiños de Santiago. Actualmente as únicas dúas delimitacións camiñeiras aprobadas pola Consellaría de Cultura, as do Francés e do Primitivo, están sendo cuestionadas nos tribunais.

Os colectivos e entidades que levamos máis de 20 anos traballando pola defensa e preservación dos camiños históricos e do patrimonio cultural e ambiental galego vémonos na obriga de xudicializar aqueles procesos de delimitación que non cumpren co requerido pola Lei e que non foron concebidos con diálogo nin participación pública, como é o caso.

Cabe resaltar que o Foro está asumindo custes, esforzos e tarefas de investigación que lle corresponden á Xunta; mentres, a Administración responde con constantes manobras dilatorias e de confusionismo para encubrir a falta de rigor no proceso de delimitación oficial. Baste lembrar que os traballos técnicos foron licitados en 2007, permanecendo paralizada a incoación do expediente até agosto de 2012, demora que ten permitido realizar toda caste de atentados.

A táctica dilatoria tamén se está a aplicar neste procedemento xudicial, iniciado por varios membros do Foro xa hai máis de un ano. Neste momento, o Foro aínda está a agardar a que a Xunta remita a documentación completa referida ao expediente de delimitación da vía histórica para poder formalizar no xulgado as fundamentacións do recurso.

  Finalmente, o Foro do Camiño Primitivo denuncia a ignominiosa actuación de órganos como o Comité Asesor do Camiño de Santiago creados por lei para a protección dos camiños históricos de peregrinación. Coa súa parcialidade, anuencia ou pasividade veñen avalando actuacións  bochornosas que destrúen os nosos elementos identitarios máis prestixiosos e desprotexen a camiñeiría histórica do noso país mediante a promoción de itinerarios alternativos desligados da tradición.

DATOS COMPLEMENTARIOS:

-O Camiño Primitivo é o segundo, logo do Francés, en obter unha delimitación oficial.

-O Camiño Primitivo ten unha antigüidade de XII séculos e está considerado como a máis antiga vía de peregrinaxe cara a Compostela.

-O Foro do Camiño Primitivo naceu en xullo de 2010 e está conformado por preto de 30 colectivos e personalidades.

-A Xunta rexeitou máis de 90 alegacións presentadas polo Foro no período de consulta pública.

-A delimitación oficial deixa sen recuperar uns 50 quilómetros do trazado orixinal do Camiño Primitivo e  deixa fóra do seu territorio histórico máis dun cento de elementos patrimoniais asociados.

 Para máis información: Ricardo Polín: 616764447

MEMBROS DO FORO DO CAMIÑO:

Asociación de Amigos do Camiño Primitivo de Santiago, Asociación Galega de Amigos do Camiño de Santiago (AGACS), Asociación de Amigos del Camino de Santiago Astur-Galaico del Interior, Asociación do Camiño Primitivo da Fonsagrada, Viandantes polo Camiño Primitivo, LugoPatrimonio, Asociación Amigos do Patrimonio de Castroverde, Museo Comarcal da Fonsagrada, ADEGA, delegación en Lugo do Colexio de Arquitectos de Galicia, Orde das Donas e Cabaleiros do Priorato de Vilar de Donas “Os Lobos”, Asociación de Hosteleiros de As Fontiñas, GDR4 Terras de Lugo, Plataforma en Defensa do Alto Ulla, Metátese Teatro, Asociación na Defensa do Parque Rosalía de Castro, Asociación de Veciños da Piringalla, Asociación Cultural Terras de Melide, Club Cultural Valle-Inclán, Asociación Cultural Espalladoira, Museo Terra de Melide, Asociación Cova da Serpe de Friol, Asociación Cultural “A Toca” de Toques, Asociación de Veciños de San Romao da Retorta, Asociación de Veciños “Porta de Lugo”, Parroquia de Santiago de Castelo,Asociación de Veciños “Fonte do Udreiro” de Romeán.

REFERENCIAS:

http://elprogreso.galiciae.com/nova/322586-foro-camino-primitivo-recurre-tsxg-delimitacion-xunta

http://www.lavozdegalicia.es/noticia/lugo/2014/04/01/foro-do-camino-primitivo-recurre-tsxg-trazado-via-historica/00031396351320793528941.htm?idioma=galego

http://www.laregion.es/articulo/galicia/foro-camino-primitivo-presentara-recurso-delimitacion-via/20140401160116453843.html

http://www.farodevigo.es/sociedad-cultura/2014/04/02/anuncian-recurso-xunta-consagrar-camino/997550.html?utm_medium=rss

http://praza.com/cultura/6862/o-foro-do-camino-primitivo-recorre-no-tsxg-a-delimitacion-da-via-realizada-pola-xunta/ 

http://www.galiciaconfidencial.com/nova/18365.html

RESUME - ROTEIRO POR DIVERSOS LUGARES DA PARROQUIA DE MONTE CUBEIRO, sábado, 22 de febreiro de 2014

Hórreo de Berlán

   Neste sábado algo frío e húmido, á primeira hora da mañá que, ao longo do día foi mellorando, realizamos o percorrido por varios lugares da parroquia de Monte Cubeiro; a saber; Cubula/Cugula -  Sarceda - Castelo - Foxo – A Valiña – A Veiga – Maxide - Berlán - O Escouredo-  para voltar a San Cibrao. Nomes todos eles  suxestivos e que nos remontan a épocas castrexas, visigóticas e / ou xermánicas e que non nos imos deter no seu significado porque teriamos para un pouco.

Moisés na entrada de Maxide

Salientar que a pesar dos desastres que puido causar a concentración parcelaria, conservan todos estes lugares fermosos recantos de bosque autóctono, desde bidueiras, castiñeiros, carballos, abeneiros, etc. Mágoa que aflore, sobre todo nalgunhas zonas, o eucaliptal.
Achegaremos algunha foto e poderedes ver máis no blog.

http://amigosdopatrimoniodecastroverde.blogspot.com/

Saúde, Terra e Lingua.
Manolo

VER REPORTAXE FOTOGRÁFICO:
https://picasaweb.google.com/amigosdopatrimoniodecastroverd/ROTEIROPORDIVERSOSLUGARESDAPARROQUIADEMONTECUBEIRO?authuser=0&feat=directlink

ROTEIRO POR DIVERSOS LUGARES DA PARROQUIA DE MONTE CUBEIRO, sábado, 22 de febreiro de 2014

ROTEIRO POR DIVERSOS LUGARES DA PARROQUIA DE MONTE CUBEIRO, sábado, 22 de febreiro de 2014

Ás 9:30 h.: En  Castroverde ao lado do Pereira.

Ás 10:00 h.:   Comenzo da camiñada Monte  Cubeiro ou Cugula.
Percorrido: por lugares de  Monte Cubeiro – Cubula/Cugula -  Sarceda - Castelo - Foxos – A Valiña –Báscuas ou A Veiga-Maxide-Berlán- O Escouredo- Percorrido aproximado duns 14 Km., mais podemos adaptarnos ao que decidamos.

Ás 14:00 h.-14:30 h.  Xantar

Comunicalo antes do día 19 de febreiro,  no teléfono: 659523960 ou no correo electrónico, por motivos de organización e xantar.
Prezo, aproximado, da viaxe (5 €) + xantar (15 €) aproximdamente.

Saúdos.
Manolo Muñiz                                              

Actividades que acollerá o Centro de Interpretación Terras do Miño durante os tres primeiros meses deste ano

Estimados amig@s:

Informámoslles que onte día 22 de xaneiro, a Deputada de Medio Ambiente e Enerxías Renovables, Sonsoles López Izquierdo, anunciou as actividades que acollerá o Centro de Interpretación Terras do Miño durante os tres primeiros meses deste ano. Trátase dunha programación gratuíta e aberta á participación de persoas de todas as idades, co fin de que coñezan a riqueza da biodiversidade da provincia e as oportunidades que esta pode ofrecer a todos os lucenses.

Podemos destacar que esta programación dá continuidade á liña iniciada en anteriores convocatorias, nas que actividades como as saídas ó campo espertaron un grande interese entre o público, logrando acadar a participación de máis de 1.700 persoas durante o pasado ano, ás que hai que sumar as preto de 400 que se achegaron a coñecer as instalacións do Centro de Interpretación. A Deputada salientou que a intención é continuar traballando “nesta mesma liña, facendo de Terras do Miño un centro de referencia en educación e concienciación ambiental, difundindo os valores medio ambientais da provincia dun xeito divertido e para todos os públicos”.

O calendario das actividades programadas é o seguinte:

Conferencias:

- O día 30 de xaneiro, ás 19:30 horas, no Centro de Interpretación Terras do Miño, terá lugar a conferencia “Fungos medicinais: usos ancestrais e novas perspectivas” a cargo do Presidente da Sociedade Micolóxica Lucus, Julián Alonso.
- O 20 de febreiro, ás 19:30 horas, no Centro de Interpretación Terras do Miño, “Experiencias de participación social na xestión territorial”, a cargo de Antonio Ventura Figueroa.
- O 20 de marzo, ás 19:30 horas, no Centro de Interpretación Terras do Miño, Andrea Macho Benito falará acerca do “Plan de Acción da Reserva da Biosfera Terras do Miño”.

Actividades para adultos:

- O 8 de febreiro desenvolverase unha xornada fabricación de niños, a partir de simples caixas, en horario de 10:00 a 14:00 horas no Centro de interpretación Terras do Miño. O 7 de marzo, ás 19:00 horas, no Centro de Interpretación Terras do Miño celebrarase “Conservación dos valores naturais e paisaxísticos na Reserva da Biosfera Terras do Miño, mediante a promoción dos sistemas alimentarios locais”.
- O 8 de marzo, de 11:00 a 14:00 horas, no Centro de Interpretación Terras do Miño, desenvolverase o “Curso introdutorio de agricultura ecolóxica nas labores invernais”.

Actividades para familias:

- O 22 de febreiro desenvolverase unha ruta de integración na flora e na fauna do Paseo do Río Rato, e o 22 de marzo celebrarase outra ruta esta vez no entorno lucense da Reserva da Biosfera.

Todas as actividades son gratuítas, malia que as prazas son limitadas por cuestións de aforo, polo que para participar será necesario inscribirse previamente.

Máis información e inscricións na web www.deputacionlugo.org ou no teléfono 982-22-78-12.

 Desexando que esta información sexa do seu interese, reciba un cordial saúdo.

 Servizo de Medio Ambiente e Enerxías Renovables.

Deputación de Lugo.

Conferencia Internacional "Alcornocales y sector corchero" (22-23 enero)

Exemplar de Quercus suber

El Programa de la Conferencia Internacional “Alcornocales y sector corchero”, organizada por el Ministerio de Agricultura, Alimentación y Medio Ambiente a través de la Fundación Biodiversidad, se encuentra disponible para consulta aquí. 

El objetivo del encuentro es generar un espacio de intercambio de conocimiento sobre las potencialidades del ecosistema del alcornocal.

El evento se desarrollará los días 22 y 23 de enero de 2014 en Madrid, en la sede del Consejo Superior de Investigaciones Científicas (CSIC), Serrano 117.

Es aconsejable tramitar la inscripción -gratuita aunque limitada hasta completar el aforo- a través de la página web con el fin de prever los idiomas a los que se traducirá la conferencia.

Al evento está previsto que asistan más de 300 participantes entre representantes gubernamentales nacionales y europeos, científicos y expertos gestores, asociaciones empresariales y empresarios y agentes sociales involucrados en la gestión del alcornoque.

Actividades na Casa das Insuas en Rábade os vindeiros 10 e 11 de xaneiro

El Martes 7 de enero de 2014 14:12, RB Terras do Miño escribió:

Estimados amig@s,

Como continuación o ciclo de actividades de inverno organizadas pola Deputación Provincial de Lugo coa colaboración da Casa das Insuas, AGCT, Numenius e Concello de Rábade, os vindeiros 10 e 11 de xaneiro no C.E.N Casa das Insuas en Rábade, seguiremos a desenvolver as xornadas "CONSERVACIÓN E  XESTIÓN DOS VALORES NATURAIS NA  R.B DE TERRAS DO MIÑO: O PAPEL DA CUSTODIA DO TERRITORIO" a través de dúas quendas que tratarán respectivamente sobre a conservación e xestión da flora e fauna e sobre producción láctea e conservación da natureza.

O programa a desenvolver será o seguinte:

 

Venres, 10 de Xaneiro de 2014

CONSERVACIÓN E XESTIÓN DA FLORA E FAUNA NA R.B. DE TERRAS DO MIÑO

17:00 h. A flora ameazada na RB de Terras do Miño. G. Botánica-IBADER/USC

17:30 h. As aves dos medios agrarios na RB de Terras do Miño. AGCT-Numenius

18:00 h. Situación do mazarico real na RB de Terras do Miño. Asoc. Numenius

18:30 h. Pausa café

19:00 h. Debate: ¿Pode axudar a custodia do territorio a conservar a flora e fauna ameazada da RB de Terras do Miño?. G. Botánica-IBADER/USC, Asoc. Numenius, Dir. Xeral Conservación da Natureza da Xunta de Galicia, Área de Medio Ambiente da Deputación de Lugo.

 

Sábado, 11 de Xaneiro de 2014

PRODUCCIÓN LÁCTEA E CONSERVACIÓN DA NATUREZA NA TERRA CHÁ

10:00 h. Cambios no uso do solo nas últimas décadas na Terra Chá. Laborate-IBADER/USC

10:45 h. Principais efectos negativos da producción láctea intensiva sobre as aves: O caso da Terra Chá. AGCT, Numenius

11:30 h. Pausa café

12:00 h. Producción láctea sostible. CIAM

12:45 h. PDR, producción láctea e conservación da natureza. Direc. Xeral de Desenvolvemento Rural

13:30 h. Xantar

16:00 h. A visión das ganderías ecolóxicas. Arqueixal, Gandeiría Codesal e Granxa Bértolo

17:30 h. Documental “Tetas caídas”. VSF-euskadi

17:30 h. Debate: Producción láctea compatible coa conservación, é posible?

A inscrición para as mesmas farase a través do enlace: http://www.deputacionlugo.org/formulariosDeputacion/casadasinsuas2013.html

Un saúdo.

Reserva da Biosfera Terras do Miño

Deputación de Lugo

Curso construción de caixas niño

O sábado 18 de xaneiro realizaremos unha xornada de construción de caixas niño para aves e refuxios para morcegos.

10:00. Aves e caixas niño. Óscar Rivas - AGCT-Numenius
10:30. Morcegos e refuxios artificiais. Roberto Hermida - AGCT-Drosera
11:00-14:00. Construción e instalación de caixas. Martiño Cabana - AGCT

C.E.N. Casa das Insuas, Rábade
Inscricións en www.deputacionlugo.org (http://goo.gl/KaECU6)
Máis formación en: custodiadoterritorio@gmail.com ou no tfn: 630948293

Unha aperta,
A Xunta Directiva da AGCT
Asociación Galega de Custodia do Territorio
custodiadoterritorio@gmail.com
www.custodiadoterritorio.org
www.casadasinsuas.org
________________________________________

A Asociación Galega de Custodia do Territorio e Charcas con Vida convocan unha xornada de voluntariado ambiental para creación de charcas que se celebrará o día 30 de novembro na Casa das Insuas

Reserva da Biosfera Terras do Miño

-----------------------------------------------

A Asociación Galega de Custodia do Territorio e Charcas con Vida convocan unha xornada de voluntariado ambiental para creación de charcas que se celebrará o día 30 de novembro na Casa das Insuas.

Durante esta xornada recuperaremos unha antiga canle de rega situada na cabeceira do Prado da Ponte, finca custodiada pola AGCT na que a entidade desenvolve diversas actividades de educación ambiental e conservación da natureza. Crearemos tamén unha nova charca para ofrecerlle á flora e á fauna da zona un novo hábitat, moi escaso e ameazado na zona.

As canles de rega e as charcas de prado foron unhas estruturas de grande utilidade durante o pasado, xa que se usaban para regar as fincas e para acumular auga para usar durante a época estival. Os animais tamén as usaban para desenvolver o seu ciclo vital, alimentarse, reproducirse, etc. É por iso que este proxecto vai ter unha grande influencia sobre a conservación da biodiversidade da zona.

Con este proxecto, tamén pretendemos implicar ao voluntariado nunha actividade de especial interese para a conservación dos invertebrados, anfibios… que viven nos sistemas acuáticos e recuperar os antigos usos tradicionais que se lle daba a auga na agricultura.

O voluntariado contará con seguro de accidentes, comida e ferramentas apropiada. Será necesario levar roupa de traballo e botas de auga.

Para inscribirte, envía un correo a custodiadoterritorio@gmail.com ou no 630-94.82.93 (Martiño).

Esta actuación enmárcase no proxecto Charcas con Vida, coordinado por ADEGA que conta coa colaboración da Fundación Biodiversidad do Ministerio de Agricultura Alimentación e Medio Ambiente. As actividades da Casa das Insuas son organizadas pola Asociación Galega de Custodia do Territorio, realízanse coa colaboración co Concello de Rábade.

Unha aperta,

A Xunta Directiva da AGCT
Asociación Galega de Custodia do Territorio
custodiadoterritorio@gmail.com
www.custodiadoterritorio.org
www.casadasinsuas.org

Ciclo de Conferencias Luis Asorey: “Especies e hábitats de interese para a conservación na reserva da Biosfera dos Ancares Lucenses e Montes de Cervantes, Navia e Becerreá”

O Ciclo Luis Asorey está dedicado á memoria deste doutor, prestixioso médico que desenvolveu a súa actividade profesional durante moitos anos na cidade de Lugo e que foi académico, secretario e vicepresidente da Real Academia Galega de Ciencias. Entre os vindeiros días 18 e 27 de novembro haberá sete conferencias a cargo doutros tantos expertos, todas elas ás 19:30 horas, no Salón de Actos do Pazo de San Marcos

http://blog.deputacionlugo.org/ai1ec_event/ciclo-de-conferencias-luis-asorey-as-producions-non-madereiras-do-bosque-na-reserva-da-biosfera-dos-ancares-lucenses-e-montes-de-cervantes-navia-e-becerrea-2/?instance_id=290

Conferencia “OS VALORES EDUCATIVOS DA NATUREZA”

Les informamos que el próximo jueves 12 de septiembre, a las 19:00 horas, tendrá lugar una nueva conferencia dentro de la programación de actividades que se están desarrollando en el Centro de Interpretación Terras do Miño, en el Paseo do Rato s/n.
Esta levará por título “OS VALORES EDUCATIVOS DA NATUREZA”, siendo el conferenciante de la misma, Don Eugenio Otero Urtaza, Catedrático de Escuela Universitaria, Departamento de Teoría de la Educación, Historia de la Educación y Pedagogía Social. Universidad de Santiago de Compostela, Campus de Lugo.

La conferencia versará sobre la naturaleza y el paisaje, como unas de las fuentes educadoras más genuinas y auténticas que han tenido las personas a lo largo de toda la historia. A partir del  siglo XVIII, con el naturalismo de Rousseau y el comienzo de las actividades excursionistas por Los Alpes, hubo un potente movimiento educativo para llevar a los niños a entornos naturales para que disfrutasen de una vida sana, fortalecer su carácter y su salud, tener experiencias nuevas y aprender activamente. Pestalozzi  fue uno de los primeros educadores que se dio cuenta de la importancia que tenía el excursionismo para que niños y niñas aprendiesen directamente ante la presencia de las cosas, pero durante todo el siglo XIX y el siglo XX, este movimiento se afianzó con diversas organizaciones de educadores que no sólo interesaban a la educación escolar sino también a la educación no formal, como los Wandervogel o los boy scouts.

Sin otro particular, y a la espera de que esta información sea de su interés, reciba un cordial saludo.

Servizo de Medio Ambiente e Enerxías Renovables
Deputación de Lugo

INAUGURACIÓN PROXECTO DE RECUPERACIÓN E POSTA EN VALOR DE ELEMENTOS PATRIMONIAIS, AMBIENTAIS, PAISAXÍSTICOS E ETNOGRÁFICOS DAS PARROQUIAS DE SAN CIBRAO MONTECUBEIRO, SANTA Mª MADALENA DE PENA, SAN PEDRO DE SERÉS, SANTIAGO DA MEDA E STO. ANDRÉ DE BARREDO. CASTROVERDE (LUGO).

Hoxe sábado, 7 de setembro, tivo lugar a inauguración do proxecto arriba citado. Imos facer referencia a que esta inauguración tiña que terse realizado hai un ano, mais debido a este cambio que viñemos denominando Roteiro, por razón burocráticas, tivemos que agardar un ano. Comentar que deste xeito,  queda todo o concello de Castroverde cuberto de Roteiros ou Itninerarios excepto dúas parroquias e estas quedarían cubertas co Roteiro das Feiras.  Roteiro que está en proxecto, ou polo menos a Asoc. Terras de Lugo (da cal formamos parte Amigos do Patrimonio) está traballando na colocación de paneis informativos nos lugares que actualmente hai feiras nos concellos de Lugo, Zona Rural e todos os concellos límitrofes, arredor de Lugo ((Castroverde, O Corgo, Guntín, Friol, Rábade e Outeiro de Rei)
Gustaría que algunha persoa ou entidade sinalara aínda elementos de Castroverde e a súa contorna, a saber; Castroverde; A Fortaleza, San Martiño, A Cova da Valiña, Bolaño, Recesende e volta a Castroverde. Isto sería bo para a economía, especialmente a hostelería, daquela que alguén recolla a idea, porque polo que observo quen o debía facer, non lle dá importancia aos roteiros, se non valoramos,  suficientemente, O Camiño Primitivo que podemos agardar do resto das Rotas.
Seguidamente o noso Socio de Honra, O Sr. Vilabella, fixo un repaso pola historia de Montecubeiro, desde a orixe do  seu topónimo, castros, capelas, fontes, montes… e cultura que se xerou nesta parroquia que, se non fose truncada polos elementos incivís, Montecubeiro podería ter transformado a súa economía valéndose dos elementos do seu propio medio, a saber, a madeira, as posibles pizarreiras, ou mesmo a transformación da castaña, isto tan só por citar algún dos elementos máis significativos. Non imos resumir aquí todo o seu contido, que teremos ocasión de ler noutro momento. Agradece a súas palabaras neste acto de inauguración. A continuación descubriuse o panel do Proxecto entre o Sr. Vilabella e a representante do PP en Castroverde, María Gómez Pallín, agradecemos tamén a súa presenza.. Desde Montecubeiro marchamos ata o cruceiro de Cugula, pasando antes pola Capela de Santa Petronila. Logo achegámonos a Pena onde visitamos o hórreo, a fonte de 1931 e a igrexa, para achegarnos ao lugar de Carballedo e visitar, o pazo, forno e lavadoiro, desde aquí, marchamos ata o cruceiro de Córneas. Desde o cruceiro baixamos ao lugar de Vilaxurxo podendo contemplar ao longo do percorrido, os lugares de Vilafrío e O Pacio, rodeados dos vastos maizais, continuando no percorrido puidemos contemplar o rochedo de Pena Branca e os fermosos camiños e muíños que nos levan ata Vilaxurxo. Salilentar o fermoso lugar dos muíños de Pallota e Sal.
En Vilaxurxo agradecer a Manuel Pérez e a Joana a súa amabilidade polas e polo traballo de limpeza que fixo na contorna dos muíños e fermosa aldea.
De Vilaxurxo a Barredo, onde nos agardaban algúns veciños para facer aquí a  inauguración do outro Panel do Proxecto.
Saúde, Terra e Lingua
A sete de Setembro de 2013

VER O ÁLBUM FOTOGRÁFICO:
https://picasaweb.google.com/amigosdopatrimoniodecastroverd/PROXECTODERECUPERACIONPATRIMONIAISEOUTROS?authuser=0&feat=directlink

VI Xornadas do Peregrino. Asociación "Abrindo Camiño"