Cambiamos de espazo. Esperamos que para mellor. En 10 segundos enlazarás a nova páxina. Se desexas acceder directamente, pulsa no seguinte enlace. Grazas e desculpa as molestias www.amigosdopatrimoniodecastroverde.gal

05 mayo, 2008

Visita a Castro Verde do Alentejo (Portugal)

Encontro dos Castroverdes na Península Ibérica en Castro Verde do Alentejo. Breve resume


Durante os días 1, 2 e 3 de maio tivo lugar un encontro dos Castroverdes, convidados polo Castro Verde do Alentejo, para aprofundar nos lazos, asinados en agosto do ano pasado, de Irmandamento-Geminação-Hermanamiento.

O programa comenzou o primeiro de maio, como estaba previsto, ás 18 horas, coa recepción oficial na Câmara Municipal de Castro Verde, cunha permenorizada explicación por parte do seu presidente, don Fernando Sousa Caeiros, quen nos explicou o funcionamento das freguesías e da Câmara Municipal. Queremos desde un primeiro momento agradecer a boa acollida que tivemos por parte da Câmara, co feito de ter vido en agosto de 2007 ao noso Castroverde, e o bo acollemento, e entusiasmo con que este pobo de Castro Verde, nos acolleu nesta visita. Grazas Sr. Presidente, desde o primeiro momento, difícil será que nós paguemos este esforzo e agarimo con que nos teñen recibido. Debemos lembrar que o Sr. presidente recordou ao Sr. Vilabella, cando nos anos oitentta quixo iniciar esta idea, mais daquela non frutificou. A seguir, Intervención de todos os visitantes, eu pola miña parte, concordei co Sr Sousa nas necesidades de aprofundar nestas relacións con outras actividades máis significativas e profundas. Lembranza de agradecemento, para os Srs. Paulo Madureira e Joaquim Rosa da Asociación Cortiçol, quen nos recibiran na nosa primeira visita a Castro Verde, e que sen este feito non se terían comezado estas relacións.

A seguir camiño das 21:00 h fomos agasallados cun xantar (cea para nós), de benvida e unha proxección do Vídeo: “ Uma Janela sobre a Planicie”


No día 2 de maio, visita a:
.- Igrexa dos Remedios, con explicacións de Miguel Rego, a quen temos que agradecer que nos acompañara ao longo de toda a nosa visita nestes días.

.- Visita ao Fórum Municipal de Castro Verde (Casa da Cultura), con explicacións do Sr. Paulo Nascimento, a quen agradecemos igualmente as súas explicacións. Este foro é o que coordina a Cultura, que conta con actividades de: conservatorio, bilblioteca, teatro, deporte...

A seguir visita á Basílica de Castro Verde, con explicacións da Sra. Dulce, a quen agradecemos as explicacións e que tamén nos acompañou ao longo da tarde..

.- Visita ao museo das Lucernas e á fábrica ( antigos muíños, hoxe taller de pintura)

.- Visita ao Campo da feira e muíño de vento, onde nos voltamos a encontrar co Sr. Chico.

Visita á feira de Ovibeja (Beja, feira importante do Centro-Sur de Portugal, onde está a capitalidade, con stands de todo Portugal, mesmo con representacións de varias cidades españolas), onde comezamos cun xantar (almoço), nas típicas, do que nós chamamos, casetas da feira. A seguir, percorrido pola feira

De volta a Castro Verde, visita á freguesía de Entradas, onde visitamos a Igrexa Matriz e o edificio que vai ser biblioteca, un antigo hospital. Agradecer a Antonio, presidente desta freguerís de Entradas, que nos acompañou en varias ocasións ao longo destes días, e que nos ensinou esta súa Freguesía. Comentar que nesta Freguesía naceron os Srs. Fernando Sousa (Presidente da Cámara Municipal de Castro Verde) e J. Brito (tesoureiro da Freguesía de Castro Verde)

Pola noite, ofrecemento da cea (xantar), por parte da Freguesía de Castro Verde. E a seguir asistir ao espectáculo de Viola Campaniça e Viola Caipira, por parte de Pedro Mestre de Castro Verde e Chico Lobo do Brasil, xunto cos seus mestres. Homenaxes aos homes que conservaron e recuperaron estes instrumento. Ao final, o Sr. Paulo Nascimento ( , Coordinador, Concelleiro, representante da Cultura) , fixo entrega de agasallos, e aludiu aos Castroverdes da Península Ibérica (Castroverde de Lugo, Castroverde de Campos en Zamora e Castroverde de Cerrato en Valladolid) ,que estabamos a realizar este encontro para aprofundar nas respectivas culturas e mellor coñecemento mutuo.


No día seguinte, día 3
Recepción na Freguesía de Castro Verde, por parte da Sra. Presidenta, Manuela, Sra. Secretaria, Paula, e o Sr. J. Brito, Tesoureiro. Agradecerlles o seu bo acollemento, aos tres, mais dunha forma especial a Paula e a Brito por que nos acopañaron tamén en todos os momentos, e xa nos visitaran tamén en agosto do ano pasado.

A seguir explicación da historia de Castro Verde, e da súa Comarca, por parte de Miguel Rego. Comezando a explicación pola historia moi antiga deste pobo, pasando polos primeiros momentos, proceso de romanización, e igrexas e vestixios máis significativos, ata os nosos días, explicándonos como se configurou o actual Castro Verde, partindo dos seus antigos cinco Concellos, hoxe Freguesías. Non vou relatar todo o que foi exposto, porque non se trata diso, e metería, case seguro, erros.

A seguir visita a San Pedro das Cabeças, desde onde hai unha boa vista de Castro Verde e onde se encontra o monumento á batalla de Ourique, cun poema de Fernado Pessoa.

Finalmente, visita á Freguesía de Casével, onde a Sra. Fernada e os membros da Freguesía, a quen lles dámos as grazas desde aquí, por ternos dado a Benvida e ensinarnos as dependencias da Freguesía e Igrexa.

Para rematar, xantar (almoço) de despedida, na Asociación “Voces das Terras Brancas”, onde nos volveu acompañar, unha vez máis, o Sr Presidente, e outros membros das respectivas Freguesías, a todos eles, aos que nomeei, e aos que non foron nomeados, .

Mais uma vez, muito obrigados de coração e até já.

Uma “aperta”.

Manolo Muñiz
Presidente

Galería de imaxes

No hay comentarios: