Cambiamos de espazo. Esperamos que para mellor. En 10 segundos enlazarás a nova páxina. Se desexas acceder directamente, pulsa no seguinte enlace. Grazas e desculpa as molestias www.amigosdopatrimoniodecastroverde.gal

30 junio, 2009

O sábado 27/06/2009 na compaña dos amigos de ARCAS

BREVE RESUME DO ROTEIRO POR TERRAS DE SARRIA:
Roteiro das Aceas – Visita a San Eufrasio – Visita ao convento e pequeno percorrido pola zona vella de Sarria.


Noutro fermoso día deste mes de San Xoán visitamos as Terras de Sarria, sábado, día 27, coa boa compaña dos nosos amigos de Arcas. Comezamos por facer o percorrido por este roteiro das aceas, unha verdadeira marabilla que, convido a todo o mundo a que o faga cando poida. Saímos polo lugar da zona escolar subindo ata a ponte de Fafían e, o muíño do Rigueiro, á parte da fermosa paisaxe, contamos cos paneis de sinalización e coas explicacións de Xaime Félix, a quen dámos as grazas, unha vez máis, desde aquí. Canto temos que aprender! Non só polo que nos puido ensinar o roteiro en si, de cómo se pode facer para valorar o noso entorno. Salientar o protagonismo dos propietarios das fincas que cederon o terreo para lograr o paso para o roteiro, cousa que non sempre é doada. Puidemos ver varios muíños, algúns deles rehabilitados e, verdadeiros monumentos de árbores, carballos e castiñeiros. De volta fomos visitar o campo e a igrexa de San Eufrasio no Val do Mao. Igrexa única por ter o cemiterio arredor da igrexa e baixo cuberta. Explicación da importancia do lugar, do santo e, a súa importancia na valoración xacobea, mais que está insuficientemente valorado. Salientar o retábulo, as tallas, o mármore do lugar de enterramento do santo e os restos de pinturas. Nos arredores salientar o campo de San Eufrasio a Casa do Priorato, lástima que estea abandonada e se fixera no propio campo unha nova construción, cousas que nos costa traballo entender este tipo de accións. Pola tarde visitamos Sarria; vista da vila de Sarria, lástima do feismo urbanístico que sofren todos os lugares da nosa terra, do cal tampouco se libra Sarria, logo visitamos o convento, con explicacións, novamente, de Arlindo arredor do claustro e da igrexa. Non imos repetir aquí toda a información. Para finalizar a visita a Sarria puidemos ver a animación da zona vella da vila. Salientar a proliferación de albergues e a cantidade de visitantes. Deberíamos tomar boa nota disto os de Castroverde e intentar facer nós algo similar. O Camiño Primitivo non é o Francés, mais se non se crean infraestruturas, non podemos ter visitantes. Convido a que visiten os albegues públicos e privados que hai no Camiño a Santiago na vila de Sarria e que fagan a rota das Aceas. Unha vez máis, moitas grazas aos amigos de Arcas. Dicir que participamos unhas corenta persoas. En honor ás Aceas:
“Fun ó muíño ás aceas
para ver á muiñeira

gastei zocos e camiño

que ela estaba na feira.”
Saúde e terra. Manolo Muñiz

Eco do roteiro na VOZ de GALICIA

25 junio, 2009

Nº 18 DA REVISTA ORAL "O PAZO DAS MUSAS"


Xoves, 25 de xuño, a partir das 20:00 h
Refectorio do Museo Provincial de Lugo.


SUMARIO

(resume):
-Teatro escolar: A serpe da cova (un divertimento), polo Grupo de Teatro "Algo máis que pan e quixo" do CPI Dr. López Suárez, de Friol.
-Debate: Dous equipos compostos por estudantes e unha profesora do IES Virxe dos Ollos Grandes (Lugo), debaten sobre Axuda ao desenvolvemento: Peixe ou Cana?
-Exposición virtual: Proxecto fotográfico BlackBOX3OO, por Iago Eireos
-Música: Xabier Díaz e Guillermo Fernández

Lugo, 24 de xuño de 2009
Consulte/descargue SUMARIO aquí...

23 junio, 2009

BREVE RESUME DA XUNTANZA DA U.R.G. NA CASA DA CULTURA DE MELIDE.

No día de hoxe, 20 de xuño, tivo lugar unha xuntanza na casa de cultura de Melide para tratar os seguintes temas:

- Situación en relación coas subvencións, proxectos, da U.R.G.

- Exposición de como xurdiu a idea da U.R.G. hai varios anos en Melide e, como desde un amplo grupo de persoas se viu reducido aos que estamos hoxe.

- Obxetivo de recoller os saberes do mundo rural.

- Crear un censo de sabedores.

- Recolledores deses saberes tanto de tempos pasados coma de hoxe.


Metodoloxía.

- Persoas preocupadas polo tema do mundo rural.

- Cinguirse ao que existe, ao real.

- Conseguir un equipo de traballadores para conseguir a recollida dese mundo de saberes.


Análise.

- Censo de contactos. Fichas.

- Seguir co censo de sabedores.

- Visualizar o traballo realizado.

- Papel que temos os socios (particulares ou asociacións) que integramos a U.R
.G.

Finalmente desde ADEGA. Exposición-presentación da Guia de boas prácticas ambientais para o Camiño(s).

Estas foron as principais ideas debatidas.
Dicir que asistimos por parte de Amigos do Patrimonio de Castrovede, o secretario e presidente.

En Castroverde- Lugo a 20 de xuño de 2009


16 junio, 2009

ORGANIZA ASOCIACIÓN ARCAS DE SARRIA



ROTEIRO POR SARRIA, SÁBADO, 27 DE XUÑO.

Ás 8:50 h. Saída de Castroverde.

Ás 8:55h. do Camiño Ancho.

Ás 9:30 h. .- No Hotel Alfonso IX.- ( Subindo pola marxe dereita do Río Sárria). Saída en dirección IES Gregorio Fernández-Ribela-Acea de Abaixo.- Acea de Riba.- Muiño do Conde .- Muiño de Regueiro.-.........( PEGAMOS VOLTA). Baixando pola marxe esquerda do Río Sárria: Penedos das Aceas.- Estación Elevadora do Oural.- Estación Elevadora de Sárria ( Acea de Abaixo).- Veigadelo.- Campo de Fútbol de Ribela.- MANOSA.- O Chanto.- Malecón do Río Sárria.- Hotel Alfonso IX.- Recorrido total : 5 km.
( en puntos estratéxicos teremos coche de apoio ).

Despois colleremos os autobuses e iremos ata o CASTRO DE FORMIGUEIROS ( SAMOS), onde están a facer excavacións con posibilidade de pequeno desprazamento a un miradoiro ( se vai calor , suprimiremos o paseo ).
De volta ao autobús baixaremos ata O VAL DO MAO, para visitarmos a IGREXA DE SANTA MARÍA DO MAO, co seu cemiterio coberto, e o enterramento de Santo Eufrasio.
Xantar: en Samos

Pola tarde, podemos visitar Samos e, como Sárria está en festas , podemos andar, pasear pola Vila ata cansar.
Recibide un saúdo de Arlindo
Avisar antes do día 20 de xuño.
Saúdos. Manolo Muñiz

03 junio, 2009

BREVE RESUME DO ROTEIRO Á COSTA ARESÁN, 30-05-09


Organizado pola Agrupación Instrutiva de Caamouco (Ares), coa colaboración de Xábrega (Ares), Bimares (Ares), e participación de: Arcas de Sarria, Arumes do Corgo, Amigos do Patrimonio de Castroverde.

Nun fermoso día, do último sábado do mes de maio, tivo lugar un roteiro pola costa Aresán, que tivo a saída en Ares con percorrido pola beiramar polos cantís da praia de Centeas e Estacas, para cruzar en Cervás e subir ao alto do Faro, parando antes no mosteiro de Santa Catarina, onde uns fomos visitar os restos das baterías de artillería. Desde aquí puidemos contemplar a ría de Ferrol-Mugardos cos castelos de San Felipe e A Palma a ambos os lados da ría. Tamén puidemos ver a desfeita que está a provocar a construción do porto exterior de Ferrol. Non puidemos ver Coruña e demais poboacións da costa de enfrente, debido á néboa que, non levantou practicamente en todo o día da ría. Antes de baixar e, mentres un grupo visitaba o alto do Faro, outro grupo visitaba o Mosteiro.
Mosteiro de Santa Catarina, século XIV. Levantado por Fernán Pérez de Andrade. Na fachada principal ten unha interesante torre con escudo e cúpula en pedra. No testeiro da igrexa aparece o escudo dos Andrade e Xabarín que, voltará a estar presente nun dos patios interiores do mosteiro. Salientar a igrexa conventual co seu importante retábulo de Santa Catarina con Santo Domingo a un dos lados e do outro lado un San Francisco. Tamén tivo impotancia o coro que tiña un impotante órgano, hoxe en Ferrol na Igrexa Catedral de S. Xulián. Con estas visitas, rematou a mañá. Grazas a Alberto e a José Carlos que foron os encargados de explicarnos estas dúas visitas. Pola tarde, logo de comer. Visita a Redes con explicación de Ernesto Navieras, presidente da Sociedade Instrutiva de Caamouco. A visita comenzou coa explicación sobre Redes. Praza do Campo, visita á praia, desde o alto, onde puidemos ver as cabrias, (entramados de paos, onde os mariñeiros poñían a secar as redes). Explicacións sobre a conservación de Redes e como foi elexida, hai uns dous anos, para a celebración do día da arquitectua. Baixada á praza do Pedregal, onde se está a rodar a serie “Padre Casares”. Rúa Nova e visita ao forte. Para rematar visita á que foi escola de Redes-Caamouco, verdadeiro xermolo da renovación da escola en Galicia e, hoxe sé da Agrupación Instrutiva. Dicir que esta parroquia está sendo moi ben conservada e, o que pode ser un exemplo de como se deben conservar, revitalizar e rehabilitar o noso patrimonio. Dámos as grazas a todos os aresáns, especialmente aos presidentes das tres Asociacións, e mais concretamente aos que tiveron que levar o peso da organización; Sr. Naveiras e Sr. Cacabelos, entre outros. Teñamos en conta que eramos preto de 200 persoas. Saúde e terra. Manolo Muñiz