IV Xornadas do Peregrino: Charla informátiva e Musical e percorrido de promoción polas Terras de Miranda e municipios colidantes que atravesa a Variante do Camiño Norte de Santiago

 

Relato do Percorrido:

 

Os participantes pertencentes a varias asociacións de Amigos do Camiño de Santiago de Galicia e Asturias, partimos nun autocar desde a Praza do Seminario de Mondoñedo ás 8,30 horas do sábado 16 de abril.
No Pazo da Trave de Trabada fomos recibidos polo propietario deste antigo Casarón Medieval e polo alcalde José Manuel Yanes Ginzo, posteriormente tamén visitamos na parroquia de San Martín de Abres outro antigo Casarón, esta que pertenceu á familia Miranda e na que o seu actual dono que nos fixo de guía conta con 104 anos (o mais vello do municipio),
A seguinte parada foi na parroquia de Santiago de Abres (concello de Vegadeo) para facer unha ofrenda a Cándido Sanjurjo con motivo do seu 1º aniversario de falecemento (cofundador e antigo secretario de Ásoa. Asturgalaica e promotor da recuperación do Camiño Norte nesta zona). No Chairo, capital do concello de San Tirso esperábanos a súa alcaldesa para acompañarnos ao Centro de Interpretación da pesca do salmón e á capela de San Xoán.
Na Pontenova dirixímonos ao Santuario-Museo do Conforto onde fomos recibidos ao son de campás polo párroco D. Manuel e o concelleiro de Turismo Sr. Barreira e onde tivemos a oportunidade de pór o Botafumeiros coma se a Catedral de Santiago tratásese, xa no núcleo da Pontenova visitamos o Complexo dos Fornos e a exposición sita na Oficina de Turismo que reflicte a historia das minas de Vilaodrid e o transporte de material e persoas desde a vila ata Ribadeo a través do antigo tren denominado "A Chocolateira". continuamos viaxe pasando por "As Rodrigas" en Riotorto onde naceu a nai de Alvaro Cunqueiro ( na casa de Cachán) e viviu o escritor para recuperarse dunha enfermidade do tifus; posteriormente asistimos no Mazo da Ferreiravella a unha demostración dos ferreiros.
Á chegada a Meira visitamos a igrexa do antigo mosteiro cisterciense de Sta María, a través das explicacións da experta guía da oficina de turismo Joani para posteriormente visitar o nacemento do río Miño no Pedregal de Irimia e comer "produtos típicos da zona", na casa de turismo rural *Cazoleiro da serra de Meira; onde nos acompañaron os alcaldes dos concellos da ruta, e onde fixemos entrega dunha cerámica de Mondoñedo conmemorativa de Ásoa. "*Abrindo *Camiño"
Pola tarde continuamos o percorrido por terras de Pol con parada na capital Mosteiro onde o alcalde nos recibiu co acompañamento da música das gaitas do grupo Leña Verde e despois dar un pequeno paseo pola carballeira ata o area recreativa do centro de interpretación dun antigo muíño que nos puxeron a funcionar.
No Castro-Museo de Viladonga do concello de Castro de Rei esperábannos os responsables municipais, o director do museo Felipe Arias (exdirector Xeral de patrimonio da Xunta de Galicia) e o presidente de Ásoa. de amigos do Museo o polifacético crego Xosé Manuel Carballo que nos acompañaron na visita e xa para rematar no concello da Pastoriza agardaban os respresentantes municipais para acompañarnos polo paseo fluvial de Miñotelo e visitar a antiga igrexa da parroquia de Bretoña, Retornamos a Mondoñedo aprox. ás 21 horas.

Un saúdo
Luis Fernández Ansedes
 

Peregrinación pola Variante Interior do Camiño Norte polas Terras de Miranda.

Prazo de Inscripcións para a peregrinación ata ou día 20 de abril. Comezo a pé dás etapas as 10h.

1ª etapa. Domingo 24 de Abril
Ría de Abres(Trabada)- San Tirso de Abres- A Pontenova 17 Km .

2ª etapa. Domingo 8 de Maio
A Pontenova- Riotorto- Meira 21 Km .

3ª etapa. Domingo 29 de *Maio
Meira- Paraxes (A Pastoriza) Mosteiro (Pol) 16 Km .

4ª etapa. Domingo 26 de Xuño
Mosteiro (Pol) - Castro de Rei - Lugo 24 km .


Organiza:
Asociación Abrindo Camiño de Amigos do Camiño Norte de Santiago.

Información e Inscricións: Teléfonos: 982521075-639072769 Email elremansoes@yahoo.é

ROTEIRO ARZÚA-ARCA. SÁBADO, 26 DE MARZO DE 2011

Ás 7:45 h. Saída de  Castroverde ao lado do Pereira.

Ás 8:10 h. Ronda da muralla

Ás 8:15 h. na Saída para Santiago

Ás 9:15 h. Caminado desde Arzúa – Arca

Xantar, nun restaurante da zona.

Comunicalo antes do día 24 de marzo, no tefono habitual ou no correo electrónico, por motivos de organización; autobús e xantar. Prezo do xantar, trataremos que sexa de 15 €

Saúdos. Manolo Muñiz

NOTA:
Percorrido, aproximado, de 19  Km, acompañaranos o autobús.

ROTEIRO ARCAS DE SARRIA E AMIGOS DO PATRIMONIO

Preme na imaxe para agrandar

DERRADEIRO ROTEIRO DOS MUÍÑOS:  RODINSO- ACEA DA LAXE OU MUÍÑO DE VEIGA

SÁBADO, 5 DE MARZO DE 2011

Con este roteiro, rematamos os percorridos dos muíños que, comenzaramos o ano pasado, precisamente coa Asoc. Arcas de Sarria, comenzaremos en Rodinso ou Nabeda, dependendo do estado dos camiños.

Neste roteiro partindo tamén de Rodinso, polo camiño que vai ao pé da serra da Atrevida e Agro do Campo, dirixímonos á  zona norte do municipio cara a ladeira da serra do Miradoiro polos lugares de Nabeda e Teixeira, nun ascenso duns 200 metros nun quilómetro, aproximadamente. A serra fai honor ao seu nome cunhas fermosas vistas sobre o poñente e sobre os vales de Castroverde. Baixamos en dirección ás aldeas de: O Gruñedo, Maceda, Vilarín e As Cabozas. Chegando ao val do río Azúmara que nos  leva ao muíño de Veiga. De Nabeda ao cruceiro de Teixeda entre a serra do Miradoiro e A Bouza e todo o val de Castroverde.

Ás 9:30 h. En  Castroverde ao lado do Pereira desde onde nos trasladaremos  
                   en autobús ata Nabeda.
Ás 10:00h. Sairemos de Rodinso ou Nabeda.
Ás 13:00 h. Chegada ao muíño, hora aproximada.

Xantar, nun restaurante da zona. O prezo, trataremos de axústalo a 15 €

Comunicalo antes do día 1 de marzo, no tefono habitual ou no correo electrónico, por motivo do xantar e autobús, por motivos de organización.

Saúdos. Manolo Muñiz

NOTA:
-Se o tempo fora malo, poderiamos variar o percorrido.
-Percorrido, aproximado, de 12 Km

Cruzeiro de Teixeda

Teixeda ao fondo

Camiño ao Campo de Ladrán

RESUME DA VISITA DA ASOCIACIÓN "OS SENDEIROS DE FOZ" AO ROTEIRO DO VAL DO RÍO TÓRDEA.

 

Amigos do Patrimonio de Castroverde con os visitantes de Sendeiros de Foz

Nesta mañá, do día 20 de febreiro, visitáronnos os amigos da Asoc. Sendeiros de Foz, para visitar o roteiro do val do río Tórdea. Arredor das 10:15 h. da mañá comenzou a camiñata desde o Camiño Ancho para baixarmos a San Xulián de Pereiramá e desde aquí á Espasande, onde é de salientar a súa igrexa románica, desde Espasande a Goi, onde á parte do castro e sartegos alto medievais, son de sinalar o muíño e mazo. Logo fomos a Tórdea, onde á parte de destacar a súa igrexa prerrománica con outros elementos senlleiros, temos que aludir que por esta parroquia pasa a Vía XIX Romana. Seguimos camiño de Uriz, Cellán de Mosteiro e A  Pumarega onde temos que salientar as igrexas románicas e os pazos de Cellán de Mosteiro e A Pumarega. Desde A Pumarega Ao Vilar e desde O Vilar a Cellán de Calvos para baixar á San Xulián de Pereiramá onde ao pasar a parroquia voltamos ao lugar do comenzo do roteiro.

Saúde, Terra e Lingua.

Manolo Muñiz

ACTUALIZACIÓN:  A visita na prensa galega:  
O Progreso,  
A Voz de Galicia