Cambiamos de espazo. Esperamos que para mellor. En 10 segundos enlazarás a nova páxina. Se desexas acceder directamente, pulsa no seguinte enlace. Grazas e desculpa as molestias www.amigosdopatrimoniodecastroverde.gal

25 mayo, 2009

BREVE RESUME DA INAUGURACIÓN DO ROTEIRO DE SOUTOMERILLE



Na Rotonda de Paderne, día 23 de maio, ás 10:30 h.
Dicir que o acto da inauguración comenzou con estas breves palabras que foron lidas ao comenzo do acto
.


BREVES PALABRAS NA INAUGURACIÓN DO ROTEIRO

Bo día a todas e a todos. Grazas por acompañarnos, veciños, Asoc. Arcas de Sarria e Arumes do Corgo, na inauguración deste roteiro pola contorna de Soutomerille, primeiro roteiro que se sinaliza no Concello de Castroverde, se exceptuamos os camiños milenarios, Camiño Primitivo, e Vía Romana XIX.
Grazas especialmente aos representantes institucionais, principalmente, a Moncho, que me permita, con confianza, chamarlle así, aínda que non deixa de ser o que é, Sr. Presidente da Deputación de Lugo e, que o sexa por moitos anos. Grazas tamén ao Concello de Castroverde, á area de Cultura da Deputación, Vicepresidencia Primeira, á Consellería de Cultura e sobre todo ao Xacobeo, que sen as axudas desta Institución esta Asociación non podería ter feito o camiño que leva andado. De todos os xeitos dicir que lamentamos que só nos acompñasen o Sr. Presidente da Deputación e o portavoz do BNG no Concello de Castroverde. Xa por último grazas, a Quique Riobó, que sen a axuda del, este roteiro sería difícil que estivera sinalizado. Agora permitídeme que lea, un anaco do libro Olladas no futuro, de R. Piñeiro, a quen se lle adica este ano o Día das Letras Galegas, valéndome deste veciño de Láncara, paso a ler: “Sentimento da Paisaxe”. A seguir comenzamos a camiñar, pasando pola Pallota, onde puidemos ver a desfeita do Castro, logo seguimos para visitar a igrexa de Soutomerille, Casa da Torre de Abaixo, breves palabras entorno ao significado do lugar. Seguimos pola corredoira do Castiñeiro Centenario, pasando por diante do Cimeterio, dando a volta á Croa de Soutomerille e Castro Peón para subir ata o Castiñeiro do Neto. Aquí o roteiro xúntaxe co antigo trazado do Camiño Primitivo polo lugar da Corredoira dos Cortellos. Desde aquí subimos á Croa de Soutomerille e ao lugar coñecido como os asentos dos Mouros ou Pedras das Pozas. Lugar que puido ser de ritos sagrados, dado a súa orientación; Sur Oeste. Desde aquí, voltamos, ao roteiro para dirixirnos ao lugar de As Cambas e volver á Rotonda de Paderne, lugar de onde sairamos. Pensamos que é un primeiro paso, para que continúen estas iniciativas. Dámos unha vez máis as grazas ao Sr. Presidente da Deputación Provincial, José R. Gómez Besteiro, por acompañarnos e ao representante do BNG, Pablo Ferreiro. Grazas a todos, Asoc. Arcas de Sarria, Arumes do Corgo e veciños. Saúde e Terra.
Manolo Muñiz


24 mayo, 2009

DE PURA CERNA, novo libro de X. Mª Gómez Vilabella na rede


DE PURA CERNA

DE PURA CERNA é o último libro que o noso colaborador, o escritor e articulista Xosé María Gómez Vilabella, ven de "colgar" na súa blog persoal e que pode ser considerado, salvando as distancias, o auténtico Quixote da emigración a Cuba. A obra, que se presenta en cinco capítulos, pódese lerse uo baixarse de devandito blog de forma totalmente gratuíta. Desta forma xustifica o autor esta obra, dedicada á súa filla Estrela:
Con respecto á nosa emigración, en particular á transoceánica, pásanos o mesmo que coa lúa: A parte de acó, a visible, de tan inmediata que é, que foi, pode ser monótona, e por veces, insignificante. En verbas de Juán Soto, a emigración galega está saturada de rupturas de vínculos, con perda de referentes e de coñecemento directo. En definitiva, que todo, ou case todo, maiormente na parte de aló, foi escurantismo, pois nin eles contaban, nin os da casa lles preguntaban, ¡para canto máis os veciños, as terceiras persoas!
Parabén por esta nova obra, e moitas máis que vingan.


20 mayo, 2009

Unha reflexión con motivo da desfeita prevista no Parque Rosalía de Castro de Lugo


AS MIRADAS ASOBALLADAS

Por
José Enrique Villarino Valdivielso


Para isto sr Alcalde, para isto señor Xuíz, para isto, señores políticos, para isto señores especuladores, non eran necesarias tantas miradas perdidas, alá onde o pai Miño pasa orgulloso regando o bosque da nosa memoria, o bosque das nosas raíces, o bosque sagrado do noso ser. Moitos despropósitos leva xa este val da tranquilidade, onde o río limpa as nosas almas ao seu paso, onde o río trae e leva as nosas ilusións ás augas lendarias dos atlantes. Tanta mirada, ensimismada, solitaria, acompañada, cómplice, inocente, desvalida, animosa, valente. Tanta mirada perdida dos nosos ancestros, avós, pais, irmáns e amigos, vidos a esta pérgola a pedir consello a este verde val, calmo de río, calmo de sede, vidos a pensar, vidos a amar, vidos a dicirnos confidencias, vidos a collernos da man, vidos a bicarnos furtivamente, vidos a admirar o espectáculo dun crepúsculo que tarde a tarde envolve de néboa os verdes lenzos que enlaza a ponte de tantos ollos que nos observan. Tantas retinas de papel sepia, tantos vestidos de azar, tantos noivos de amores xurados, para isto. Mala fada teñan tantos mediocres que non souberon, non quixeron, non aman, non cumpren coas súas obrigas cívicas e cidadás de protexer o único que permanece e vence á morte: a memoria das cousas, a memoria da paisaxe, a memoria das persoas, a memoria de tantas miradas que salvaron ata agora este pequeno gran tesouro dun pobo que viñamos a mirarnos a este espello belo e culto e saber que estaba aí, que aí seguía, protexendo a nosa memoria de nenos, de adolescentes, de vellos, de eidos. Mala fada teña tanto afán de poñer ao diñeiro por diante de tanta beleza cegando as nosas miradas. Mala fada teñan os que permitiron tantas miradas asoballadas.

17 mayo, 2009

INAUGURACIÓN ROTEIRO DE SOUTOMERILLE: Sábado, 23 de maio de 2009



Ás 10:30 h
na Rotonda de Paderne.
Estrada Fonsagrda a uns 14-15 Km desde Lugo.

Percorrido: Roteiro de Soutomerille.

Ás 14:00 h
Xantar nun restaurante da vila (Arredor desa hora).

Para facilitar a organización:
Avisar antes do mércores, día 20 de maio polos medios habituáis.

Agardando a túa asistencia, recibe un cordial saúdo.
Asdo.: Manolo Muñiz
Castroverde, a comenzos do mes de maio, de 2009

16 mayo, 2009

Manifestación diante do Concello de Lugo o 23/05/2009


A Asociación na defensa do Parque Rosalía de Castro, convoca para o próximo sábado día 23 de Maio as 8 do seran diante do Concello de Lugo unha manifestación reivindicando a conservación dun dos lugares máis emblemático de Lugo. Convidamos a todos os lucenses a asistir a esta convocatoria para defender o noso patrimonio paisaxístico. Pregamos que veñades provistos de chifres, gaitas, cazolas ou instrumentos musicáis do tipo que queirades. Informamos que as 10,30 da noite na Sala Doble Moral, no patio de cemento de Seminario, terá lugar un concerto, no que estamos a traballar. Tamén estamos conectando coas entidades que apoian este acto, inda que xa podemos decir que TODAS as que contactamos están con Rosalía. Pregamos, fagades a máxima difusión deste correo e si algunha Asociación quere sumarse, na Páxina de ParqueRosalía pode deixar unha mensaxe.
Moitas grazas e unha aperta.

13 mayo, 2009

NOITE DOS MUSEOS: 16 de maio de 2009

Máis actividades da noite dos Museos

ROTEIRO REDES: 30 de maio de 2009


Organizado pola
AGRUPACION INSTRUCTIVA DE CAAMOUCO - Redes
coa participación das Asociacións:
Arcas de Sarria, Arumes do Corgo e Amigos do Patimonio de Castroverde.

Ás 7:00 h Saída da praza de Castroverde para saír camiño de Gomeán.
Ás 7:15 h Casa do Concello de Gomeán – O Corgo-
Ás 7:30 h Ronda da Muralla diante de sindicatos.
Ás 7:35 h Gasolineira de San Rafael.
Arredor das 9:15 h en Caamouco.

PERCORRIDO POLA COSTA ARESÁN

Este traxecto consta de 15kms aproximadamente é de unha duración de 4h

1.- Concentración as 9h. na AGRUPACION INSTRUCTIVA DE CAAMOUCO, xa vos enviaremos un plano detallado de como chegar.
2.-Saída as 9,30h a Montefaro pasando por a praia do Raso e Seselle, costa das Mirandas, Cervas, para chegar a Montefaro as 11,30h.
3.- Visita guiada polo mosteiro de Sta Catalina e antigas baterías de costa.
4.- Saída as 12,30 de Montefaro percorrendo o paseo da entrada da ría de Ferrol e pasando polo castelo da Palma.
5.-Na enseada do Baño récollenos o bus e déixanos nas proximidades do club de Tenis, en Redes, onde se servira a comida as 14,30 aproximadamente.
O COMEDOR TEN CABIDA PARA CEN PERSOAS, xa esta reservado, o prezo 15 € aproximadamente
6.- Polo serán percorrido guiado polas rúas do Porto de Redes.
7.- Concerto

Avisar antes do mércores, día 20 de maio, polos medios habituáis.
(pensemos que podemos ser perto de 100 persoas)
Agardando a túa asistencia, recibe un cordial saúdo.

Castroverde, a comenzos do mes de maio, de 2009
Asdo.: Manolo Muñiz

Día das Letras Galegas 2009

UNHA LINGUA PARA TODOS
Comunicado do Plenario da Real Academia Galega lido na Coruña polo seu Presidente nas vésperas do 17 de maio,

05 mayo, 2009

CONCERTO DE PRIMAVERA. Igrexa de S. Pedro 9/05/2009. 20:30h


O concerto recollerá as actuacións do coro "CANTAR DELAS"
de Lugo
e
o coro "SAN ANDRÉS" "SERGIO DOMINGO"
do Entrego (Asturias)



"CANTAR DELAS" O PRIMEIRO CORO DE VOCES FEMININAS DE LUGO

Este coro de voces blancas nace dunha vella idea de Julio Méndez exposta un día a Fernando Gómez Jácome. Despois dun tempo de maduración, para buscar o momento adecuado e o prazo necesario de dedicación ao proxecto, lévase á práctica na primavera de 2007.

Despois dun breve paréntese para a selección das compoñentes e a presentación dos documentos necesarios para a súa legalización, en setembro comeza os seus ensaios. Tras uns meses de preparación preséntase ao público da súa cidade nun concerto que se celebra na Igrexa de San Pedro, o 24 de maio de 2008. Actuou de madriña do evento a vicepresidenta da Deputación Provincial de Lugo, Lara Méndez López. (Para ver a intervención de Lara no concerto fai clic aquí).

Neste mesmo ano participou na celebración de Santa Cecilia na Igrexa do Bo Pastor, en Lugo, nun concerto compartido co coro lucense "Sólo Voces". En decembro deu un concerto de música do Nadal na Igrexa de Fontiñas, tamén en Lugo. O día 20 foi o fondo musical do Pregón de Nadal a cargo do Director Xeral do Progreso, José de Cora Paradela. Os días 27 e 28 asistiron as súas compoñentes a un curso de técnica vocal impartido por Julio Domínguez e neste último día compartiron un concerto na Igrexa de San Pedro, co coro de voces femininas "Camerata vivace", de Ponteareas (Pontevedra). Ambos actos, o curso e o concerto, estiveron organizados por "Cantar delas".