6/5/2008 da noticia
Unha representación de Castroverde, entre a que figuraban membros da Asociación de Amigos do Patrimonio de Castroverde, participou na rexión portuguesa do Alentejo nun encontro de municipios que levan ese nome. Ademais do lucense, participaron Castroverde de Campos (Zamora) e Castro Verde do Alentejo, que o anfitrión. A estancia durou desde o día primeiro ata o 3 e foi a continuación doutro encontro de irmandamento celebrado en agosto do ano pasado.
A estancia no país veciño comezou cunha recepción na Cámara Municipal de Castro Verde, cuxo funcionamento foi explicado polo seu alcalde, así como a organización das fregresías. O presidente da asociación lucense, Manuel Muñiz, destacou o gran recibimento con que foron acollidos os visitantes e dixo que «difícil será que nós paguemos este esforzo e agarimo con que nos teñen recibido». O presidente da Cámara Municipal lusa recordou o intento inicial de irmandamento, que tivo lugar nos anos 80, pero naquela ocasión non frutificou.
A segunda xornada estivo dedicada integramente a visitar monumentos e lugares de interese da zona, entre os que figuraba unha importante feira da zona centro sur de Portugal. O último día tamén o dedicaron a visitas culturais e a recepcións oficiais.
No hay comentarios:
Publicar un comentario