Irmandamento co concello de Castroverde de Cerrato de Valladolid

Resume do viaxe a Castroverde de Cerrato (Valladolid)

Lugo-Castroverde, 17 de setembro de 2006

Ola amigos e amigas!:

Comentarvos, como xa sabedes algúns, que este pasado sábado, día 16 de setembro, representates da Asociación, fixemos unha visita de cortesía a Castroverde de Cerato, esta viaxe estaba dentro da programación dos Irmandamentos, que como xa sabedes, fixeramos unha visita a Castroverde de Campos, o pasado febreiro, e en abril a Castro Verde de Portugal, e faltaba por visitar Castroverde de Cerrato. Alí estivemos; reprsentantes da Asociación “Castrum Viride” de Castorverde de Campos, que representaba tamén ao Concello, representantes da “Asociación Amigos do Patrimonio de Castroverde”, represetante do noso Concello, e representantes do Concello de Castroverde de Cerrato, de Valladolid. Dicir que nos estaban esperando o Sr. Alcalde e concelleiros. Alí intercambiamos algunhas impresións e pequenos detalles. Logo ensináronnos o Casa do Concello, a Igrexa, monumento que ten unha importancia siginificativa, tanto arquitectonicamente, como pola imaxinería que conserva. Logo subimos a un páramo, que parece un castro dos nosos, pero que arriba, nunha extensión de máis dunha hectárea conserva restos de murllas, penso que medievais. Desde aquí o pobo e os arredores teñen unha fermosa vista. Na ladeira que mira ao pobo, teñen as “bodegas” excavadas na propia terra ou rocha.

Dicir, que a Comarca de Cerrato, está formada por varios pobos, que levan o nome de Cerrato, Alba de Cerrato, Castroverde de Cerrato etc. Este Concello, ou “Ayuntamiento” viviu e vive fundamentalmente da agricultura, gando lanar, cereais, algo de remolacha, viño, para a súa propia colleita, que fan e gardan nas adegas que antes comentabamos. Dámoslles as grazas por todo, e pola boa acollida que nos fixeron. Nós, como xa sabedes varios, agardámolos a todos eles para primeiros do mes de novembro, disto recibiredes máis información, chegado o seu momento.

Antes de novembro, dicirvos que temos pensado, como estaba programado, e para coñecer outros patrimonios visitar Rivadavia, e a Comarca, o día 30 de setembro, sábado. Teredes información ao longo desta semana ou a principios da que ven. No mes de outubro, o día 21, sábado, estamos pensando en devolverlles a visita aos da Asociación Arcas de Sarria. Comento todo isto para que vaiades programando.

Saúdos.

Manuel Muñiz

Presidente

Lendas de Gómez Vilabella
05/09/2006
Reportaxe
De ruta para descubrir o patrimonio etnográfico
Os Amigos do Patrimonio de Castroverde fixeron un roteiro por Montecubeiro

La Voz de Galicia
Carlos Vázquez

Conscientes de que patrimonio é todo, os Amigos do Patrimonio de Castroverde percorreron o sábado distintos lugares da parroquia de Montecubeiro. Fixo de guía Xosé María Gómez Vilabella, natural da localidade e autor de obras como Historias intra da bisbarra . Co libro de relatos na man, alí onde di a lenda que foi, no Rego dos Lagartos, o escritor relatou para un grupo de trinta persoas. Era a primeira parada do que sería unha ruta ateigada de lendas, teorías e feitos históricos para a lembranza. Cómpre advertir que algúns dos lugares visitados houberan pasado desapercibidos para nosoutros de non ser polas indicacións de Vilabella e máis as do incansable Manuel Muñiz.

Deixamos de ver o pazo de Carballedo para dirixírmonos ás auténticas Fontes do Azúmara, segundo testemuñou o guía amosando unha copia do catastro do Marqués da Ensenada. Na mesma zona había un muíño e mesmo disque que apareceron algunhas moedas, se ben do pantanoso só queda un reguiño a carón do recheo empregado na estrada, coñecida como cinto de Lugo.

Situados xa na Insua, un monte que arrodeado polas augas de dous ríos dende o alto ofrece unhas impresionantes vistas, Vilabella explicou a súa teoría de que o monte Medulio podería estar situado naquela zona onde, segundo cre, puidéronse refuxiar os nativos (galaicos) diante do asedio romano.

O Mazo de Penallos

Nunha encrucillada das Cavozas, onde había cruceiro e pousadoiro, vertéronse máis lendas.

De alí fomos conducidos ao mazo de Penallos onde tamén había un muíño. O mazo quedou soterrado trala construción dunha estrada conflitiva, e do muíño escasamente quedan uns muros absorbidos pola frondosidade. Só a visita á acea da Laxe, na Veiga, compensaría saber desa desfeita. No muíño de Xosé María Veiga, que aproveita as augas do Azúmera, aínda se peneira a fariña do farelo.

Dun oficio vivo marchamos ao castro de Maxide, que tamén ten a súa lenda. E un pouco máis adiante un monolito de dez toneladas lembrounos dos aqueles quince fusilados en San Cibrao de Montecubeiro. O xantar na casa Longarela e aínda despois a visita a Bolaño, puxo fin a unha xornada moi variada e entretida.

Nas Cavozas, unha encrucillada onde había un cruceiro e tamén pousadoiro, Vilabella relatou como aí a carón había un ferreiro ao que un día lle encargaron torcer o canón da escopeta do fillo dun ao que obrigaran a inscribirse na Falange. O ferreiro disque preguntou o por que e aquel pai contestoulle: Para que pense que apunta e non apunte, para que pense que mata e non mate

Dentro do programa de roteiros

Crónica do roteiro por terras de Montecubeiro

Castroverde-Lugo, 04-09-06

Benqueridos amigos e amigas:
A seguir fago un brevísimo resumo do roteiro do pasado sábado.

Por

Manuel Muñiz

Presidente

Asociación Cultural Amigos do Patrimonio de Castroverde

Tal como estaba previsto, o pasado día dous de setembro, tivo lugar o roteiro por terras de Montecubeiro. Xosé Mª Gómez Vilabella deleitounos coas súas explicacións arredor da lenda do Rego dos Lagartos. Dicir, que este lugar encóntrase preto da entrada da parroquia de Pena, desde aquí temos unha fermosa vista do pazo de Carballedo. A seguir visitamos as fontes do río Azúmara, que lástima que as obras da estrada da Deputación desfixeran o encanto destas fontes. Logo subimos ao Castro de Sarceda, e á zona da Insua onde disfrutamos da explicación da teoría do “Medullius”, que segundo o relator, estaría relacionado co monte de Monciro. Comentar que desde aquí se ven os lugares de: O Castelo, Berlán, O Escouredo, San Cibrao, entre outros lugares da parroquia de Montecubeiro. A seguir baixamos ás Cabozas, onde había un cruceiro, que era un marco indicativo, entre outras cousas, pero que os malos trazados da estrada, ten feito verdadeiros estragos, desde aquí pedimos que se faga o posible para recuperar este cruceiro. Petición que facemos a Cultura ou a Patrimonio para que boten unha man neste asunto.

Seguidamente baixamos ao muiño da Laxe ou Veiga, onde Xosé María, o muiñeiro, nos explicou todo o funcionamento e detalles do muíño, con aspectos ben significativos, como poden ser as pedras que antigamente levaban os rodicios, ou a técnica para que cando se rematara a muxega o muíño parara de funcionar. Desde aquí dámoslle as grazas, e facemos votos para que sigan funcionando estes vellos muíños. A seguir explicación de Xosé Mª G. Vilabella, sobre a torre de Bascuas e capela dos Penallos. Logo fomos ver o desastre que provocou a estrada da Deputación coa perda dun mazo e muíño de Bscuas, unha verdadeira lástima, e dicir que aínda hoxe a estrada está sen rematar, logo da desfeita...

Máis tarde fomos ao Castro de Maxide, que aínda conserva bastente ben os seus muros, e que debeu ter certa importancia na súa época. Temos que ter en conta que estamos nunha zona de castros e moi relacionada coa teoría do “Medulius”- Monciro.

Aperitivo nas Anduriñas, no lugar de Berlán, e que desde aquí damos as grazas a Xosé María e a súa familia pola boa acollida.
Para rematar a mañá subimos a S. Cibrao para ver o Convento e lembrar aos “caídos” da parroquia de Montecubeiro.

Pola tarde visitamos a parroquia de Bolaño e demos un paseo pola corredoira que vai arredor da Croa, camiño de Pozos. Dicir que Bolaño, como xa sabedes moitos, conserva bastante ben o seu patrimonio, como poden ser o quiosco da música, as lagas de enlagar o liño, o forno do cal etc.
Sen máis, recibe un cordial saúdo.

Algunhas imaxes do roteiro

Ao pe do monolito en homenaxe aos asasinados en Montecubeiro

Diante do muiño de Laxe

Diante do rego dos Lagartos

Nas fontes do Azúmara

Patrimonio cultural do concello

Mostra de antigos oficios e traballos artesáns

O pasado 27 de Agosto o concello de Castroverde inaugurou as obras de amelloramento dos tradicionais pendellos e o axardinamento do recinto do campo municipal da feira. Con este motivo tivo lugar unha mostra de antigos oficios tradicionais e artesáns, hoxe case todos eles xa extinguidos. Na mostra estaba presente a "Asociación Cultural Amigos do Patrimonio de Castroverde" para informar da sua existencia a todo-los veciños e público en xeral ao tempo que acompañar aos mestres artesáns que a ela acudiron, algúns de ben lonxe. Estiveron representados os oficios de zoqueiro, ferreiro, tellador, constructor de instrumentos musicais, aguardenteiro, ata un longo repertorio. A seguir, recollemos un resumo fotográfico dos traballos expostos.
























e chegou a hora de xantar .....

Roteiro do 3/6/2006

Imaxes do roteiro de Soutomerille

As fotografías son unha xentileza do noso compañeiro Xesús Ferreiro, quen as remitiu para sua publicación na revista dixital. Graciñas. Pódense ver mais fotos nos arquivos de word ao remate desta páxina.

Lugo sede do Congreso do Camiño Primitivo

O Camiño Primitivo, patrimonio senlleiro do Concello, vai ser obxeto dun Congreso en Lugo

Baixo do título "O Camiño de Santiago para o século XXI. O Camiño Primitivo" háse celebrar os días 27, 28, 29 de Abril e o 4 de Maio un congreso referente o Camiño Primitivo, que é un dos nosos bens patrimoniais mais senlleiros do concello de Castroverde. Este Camiño percorre de NE a SO o concello por camiños e corredoiras cheos de valor paisaxistico e espiritual.

Quenquera pode asistir o mesmo no Edificio Multiusos da Xunta de Galicia, sito na Ronda da Muralla, nº 70 da cidade de Lugo.

Enbaixo atopádes a dirección do programa:

http://www.box.net/public/88hdhynd7n

Impreso para domicilia-lo recibo da cota anual

ASOCIACIÓN CULTURAL AMIGOS DO PATRIMONIO
DE CASTROVERDE
CIF: G27329226
Nº de Inscripción: 8993



ORDE DE PAGO




Don/Dona.........................................................................................................................

domiciliado na rúa / parroquia /aldea.............................................................nº........

............................................................................................................................................

Tefono.; fixo e móbil.:..................................................................DN...............................

Correo electrónico..............................................................................................................

AUTORIZA AO:

(BANCO/CAIXA)..............................................................................................................

para que cargue as cotas de afiliación que pase ao meu nome a ASOCIACIÓN AMIGOS DO PATRIMONIO DE CASTROVERDE”, na miña conta corrente ou libreta nº (poñer os vinte díxitos)
COTA ANUAL - 10 €


Ent.: ________Ofic.:_________D/C________Nº de Conta_____________________




.......... .........., a _______de _______________________de______________




ASDO.:

Castroverde entre hermanos

Eco na prensa galega dos proxectos de irmandamentos do concello con Castroverde de Campos (Zamora), Castroverde de Cerrato (Valladolid) e Castro Verde de Portugal

07/02/2006
Crónica

Iniciativa vecinal

La asociación Amigos do Patrimonio promueve hermanamientos del ayuntamiento lugués con dos de Valladolid y Zamora, y con uno situado al sur de Portugal

La Voz de Galicia
(Firma: M. Cuadrado)

A los hermanamientos Lugo-Dinan, Palas-Plouha o San Yeann Drolimon-Bretoña (A Pastoriza) le podrían seguir otros en la provincia. El siguiente ayuntamiento en dar el paso podría ser el de Castroverde, que parece haber encontrado más de una media naranja. El sábado tendrá lugar el primer encuentro entre representantes de la asociación Amigos do Patrimonio con autoridades de los concejos de Castroverde de Campos (Zamora) y Castroverde de Cerrato (Valladolid). Ambos son, junto con una pequeña población de Salamanca, los únicos en territorio nacional que comparten nombre con Castroverde, según reconoció ayer el presidente del colectivo que promueve esta iniciativa, Manuel Muñiz. A éstos habrá que sumar los contactos que ya se iniciaron para crear vínculos en abril con Castro Verde, al sur de Portugal.

Hasta el noroeste de la provincia zamorana se desplazarán este fin de semana miembros de la asociación Amigos do Patrimonio de Castroverde. De este pueblo castellano que hoy cuenta con poco más de cuatrocientos vecinos fue oriundo Diego de Ordás, hombre de confianza del conquistador Hernán Cortés. De las tres iglesias, sólo dos siguen hoy en pie en este concejo cuya actividad industrial está centrada en los sectores de la ganadería y la agricultura, con cooperativas de cría de ovino y de transformación de cereales. Poca población A esta cita también acudirán responsables municipales de Castroverde de Cerrato (Valladolid), con 266 habitantes y donde todavía se conservan los vestigios de un castillo. El Concello de Castroverde, que ya posee toda la documentación sobre los hermanamientos, todavía no ha confirmado su participación en esta iniciativa. Sin embargo, desde el colectivo Amigos do Patrimonio ya anuncian que entre sus prioridades destaca la de promocionar el Camiño Primitivo y otras piezas del patrimonio. Para ello cuentan con la ayuda de la Consellería de Innovación, a través del plan del Xacobeo.

Proposta de actividades 2006

Programa de actividades para o ano 2006

Castroverde, xaneiro de 2006

Benqueridos amigos e amigas: Bo ano a todos e todas! Para que saibades que seguimos aquí, pasamos a expoñervos a relación de Actividades que temos previstas para este ano. Actividades que moitas delas son demasiado ambiciosas e, que tal vez, só fagamos que comecen a tomar forma:

-ACTIVIDADES:

1.- Participar con outras Asociacións, concretamente coa a Asociación que está a celebrar os 550 anos do conxunto histórico de Vilabade, pensemos que é a primeira parroquia cun importante patrimonio, e por onde entra o Camiño Primitivo no Concello. Actividade que está proxectada para o 25 de marzo.

2.- Revitalizar determinadas festas.


3.- Realizar “o Irmanamento ou Irmandamento” coas poboacións que levan o nome de Castroverde, tanto en Castela e León coma con Castro Verde de Portugal no Baixo Alentexo. Temos xa contacto con Castro Verde de Portugal no Baixo Alentexo, con Castroverde de Campos en Zamora e Castroverde de Cerrato en Valladolid.
.-Tendo previsto celebrar unha primeira reunión en Zamora ou en Valladolid para o día 4 ou 11 de febreiro (sábado). Sempre que eles estean dispostos. Algúns xa sabemos que si o están.

.- Reunión con Castro Verde de Portugal para os primeiros días do mes de abril. (8-11)

4.- Para coñecermos outros Patrimonios:

-Viaxe cultural a Trasalba, o Carballiño, Ribadavia.

5.- Continuar facendo Roteiros a partir do Camiño Primitivo

ROTEIROS POLO CONCELLO DE CASTROVERDE

Continuar facendo Roteiros, realizados varios deles e, outros continuaranse facendo neste ano ou en vindeiros anos, coa intención ou finalidade de, chegado o momento facer unha guía, folleto ou libro, a saber:

Partindo sempre do Camiño Primitivo ou das proximidades:

.- Roteiro de Soutomerille, Castro da Pallota, igrexa e lugar de Soutomerille, Croa
de Soutomerille, Castro Peón, Vilar. (Feito)

.- Roteiro de Paderne, Gracián, San Paio, Moreira e volta a Paderne. Visitando as
súas igrexas e castros.(Sen facer)

.- Roteiro de Barredo, A Meda, Córneas, Francelos, Barredo. Visitando os seus
lugares de interese.(Sen facer)

.- Roteiro de Rebordaos, Serés, Castedo. Igualmente coas visitas pertinentes
.- Roteiro de Gracián, Outeiro visita a súa capela, Forno da Vella, Recesende,
visita ao pazo, ao castro e a igrexa San Miguel.(Sen facer)

.- Roteiro de Castroverde, San Martiño de Bolaño, cova e croa de Bolaño, pazo de
Carballedo (Feito)

.- Roteiro -percorrido pola parroquia de Montecubeiro, visitando a igrexa de San
Cibrao e os restos do convento, capela de Santa Petronila no Barreiro,
medorras de Eiladrán e de Santadrao, túmulo da Lagoa, castros de Sarceda,
A Graña e Maxide, As croas dos Mouros, A Groba da Insua, casas dos Luna na
Cernada e de Pillado en Verducedo, mazo e muiño de Bascuas, fontes do río
Azúmara e subida á serra da Ferradura (O Pradairo, 1029 metros de altitude).
(Feito parte del)

.- Roteiro das Igrexas do Románico Rural, a saber Espasande, Goi, Tórdea
Uriz, Cellán. Pero non só Románico, xa que temos neste percorrido, castros
de: Goi e Faxilde. Pazos de: Pumarega e Cellán. Mazo e muiño de Goi.
(Feito).

.- Roteiro de Miranda – Mirandela – Outeiro de Vellas– Miranda- Agustín –
Páramo .(Feito)

.- Roteiro de Furís croas, e dos muiños do galo marelo. (Feito parte del)

.- Roteiro de Penalada, o Vilar, igrexa de Cellán de Calvos, croas de San Xulián
de Pereirama igrexa de Pereiramá.(Sen facer)

.- Roteiro de Riomol coa súa igrexa, Masoucos co seu casstro e interesante igrexa,
Trascastro xa o di todo o seu nome, a Frairía coa súa iteresante igrexa e a casa
grande de Folgueira e San Cosme de Barreiros.(Só o fixemos algúns)

.- Roteiro de Cubelas, Marrondo, Vilalle e acabar en Vilabade.(Sen facer)

Todo isto é un pouco orientativo, xa que se poderían variar os percorridos, pero pensamos que quedan percorridas deste xeito practicamente a totalidade das terras de Castroverde.


Pero todo isto poderíase replantexarse:

Roteiro do Mirador
Roteiro dos castros e croas. (Cada parroquia ten un; tres en Soutomerille, Paderne, Barredo, Bolaño, Montecubeiro, Castroverde, Recesende, Pereiramá, Goi, Cellán de Mosteiro, de Calvos, Pumarega Miranda....
Roteiro dos pazos e casas grandes de: Carballido, Bolaño, Vilabade, Folgueira,
Pumarega, Cellán de Mosteiro...
Roterio dos Muíños e mazos, só teriamos que seguir os regos- “ríos”.

6.- Conferencias-charlas coa colaboración do Colexio Público:

- O Camiño Primitivo polo noso Concello.
- Arte e literatura
- Plantacións forestais rendibles en Castroverde.
- Castros e croas importancia histórica.
- Pazos e casas gandes de Castroverde.
- A configuración do noso territorio.


7.- Publicacións varias sobre o Concello de Castroverde

- Facer un libro/folleto para promocionar o noso Concello, tendo en conta que está atravesado polo Camiño Primitivo.

- Outra(s) publicación(s) para promocionar o Concello.


Agardando que estas Actividades redunden en benificio do noso Concello e sexan do voso agrado, recibide unha forte aperta


Asdo.: José Yánez Basanta Asdo.: Manuel Muñiz Besteiro
(Secretario) (Presidente)

Para quen se queira facer socio da Asociación

Animaívos todos os que queirades

Benqueridos amigos/amigas, como xa sabedes todos, ou a maior parte de vós, vén de crearse a Asociación Amigos do Patrimonio. Dicirvos:

En primeiro lugar que para rexistrarse no libro de socios debedes enviar todos os vosos datos: Dicindo de onde sodes ou o tipo de vinculación que tedes ou desexades ter coa Asociación e a seguir;

Nome, apelidos, DNI endrezo, teléfono, (fixo e móbil), correo electrónico ao Secretario da Asociación , loxicamente, isto para os que non teñamos datos vosos, porque os que asististes á última reunión xa os temos. (Todo isto vale igualmente para os que queirades que se fagan socios)

En segundo lugar, que se vén de abrir unha conta bancaria na ofician de Caixa Galicia en Castroverde. Todos aqueles que vos queirades facer socios ou facer a amigos ou coñecidos vosos, deben cubrir o modelo de orde de pago que se adxunta no documento, e a continuación remitirllo asinado cos datos cubertos á entidade de Caixa Galicia en Castroverde.